I certame mimadriña

certame

E chegou o día de celebrar o I certame mimadriña! 😉

Abride ben os ollos e lede con coidadiño!

  1. Este non é un certame de poesía, nin de microrelatos, nin de música nin de cociña… é un certame de barquiñas de papel!
  2. Tes que facer polo tanto unha barquiña de papel polo menos, se non sabes, aprendes aquí ou aquí
  3. A túa barquiña pode ser coma ti queiras, podes innovar, acéptanse todo tipo de embarcacións de papel. Tí dalle!
  4. A túa barquiña ten que defender algo que consideres fermoso, pode defender a educación pública, os montes galegos, a sanidade,  o mar, os corpos das mulleres e o seu dereito a decidir que facer con eles, defender a terra por que Galicia non é unha mina, pero nós sí. Somos unha mina, creativos, símpaticos e ca boca aberta para dicir o que pensamos, así que a túa barquiña ten que defender algo, por pequeno que sexa, como si queres defender que volvan as dunas o teu paseo marítimo!
  5. Xa tes a barquiña e xa tes un carteliño cun lema que pode ser por exemplo: unha barquiña de papel en defensa de…. . Firma co teu nome e mimadriña, é disir, Breixo e Mimadriña.
  6. Sácalle unha foto ben xeitosa,  na foto a barquiña e o papeliño co lema son fundamentais,  o resto de elementos da foto,  coma ti quieras! Comparte esa foto no muro da páxina de facebook de mimadriña.
  7. Difunde a túa obra de arte entre os amigos para que lle poñan un gústame deses e morran ca envexa da túa barquiña!
  8. A foto que máis “gústame” teña, será a gañadora, e se hai empate , decidirá un xurado composto polos membros do equipo creativo mimadriña!
  9. Tedes ate o 14 de xuño, así que tedes tempiño dabondo.
  10. Mimadriña que PREMIO: Unha viaxe en barco a última hora da tarde para dúas persoas conmigo que exercerei de guía ( eu non dirixo o barco , nin remo, nin nada parecido, estaredes a salvo) e contareivos o que queirades saber sobre os mares e a paisaxe mimadriña, vos aproveitade e facede preguntas!

Ah! é a última hora da tarde por que veremos a posta do sol dende o mar, dende o cabo Fisterra! Queredes? Pois a facer a vosa barquiña guerrileira!

Non, non tedes que enviarme a barquiña, é vosa, so tedes que sacarlle unha fotiño para lucila xeitosiña! 😉

Veña, dalle!

About Palmira

mimadriña.com

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A %d blogueros les gusta esto: