agora que rematou o verán e teño máis tempo diante do ordenador, non quería deixar de contarvos a derradeira visita que fixen o Castelo de San Carlos en Fisterra, onde se alberga o Museo da Pesca de Fisterra, e onde poderedes atopar a Manolo, o poeta Alexandre Nerium que polo seu coñecemento do mar, polo seu sentimento mariñeiro, e pola súa dilatada experiencia e pola súa calidade poética convérteno no mellor guía local e embaixador do meu concello e polo tanto este museo é sitio de visita obrigada en Fisterra.
é toda unha delicia escoitar a Manolo co seu falar Fisterrá: dominko; “ninkén, ninkún, linkeirón, palankre”, sen guión e sen ese ton que adquiren certos guías despois de repetir a diario o mesmo discurso, non !, Manolo sabe ben do que fala, e iso da moita tranquilidade; nótase moito en conferencias e conversas cando unha persoa fala do que cree e do que vive , sexa falar de contos, ciencia, lingua ou arte, cando falas do que amas, nótase! e gústame, por que xa van moitas as visitas que fixen a este museo, que case sempre escoito historias novas, que non se repiten e si ides con rapazada, veredes como quedan atontados mirando para él..
se ides por Fisterra non deixedes de visitar a Manolo, e si sodes capaces de apartar a vista mentras fala, ollade algúnhas das cousas fermosas que alí atoparedes, eu nesta ultima visita quedei parva con algúns dos rincóns que ensino nas fotos e clic! ideón, xa vos contarei o que me pasou pola cabesa!
o Castelo de San Carlos, datado no século XVIII, fíxose coa intención de defender a ría. Tempo despois, rehabilitado no 2006, convértese en museo do mar. Unha pequena exposición móstrache o percorrido da pesca fisterrá até os nosos días. Descobres a importancia que tivo a pesca nas aldeas e pobos costeiros ao longo dos tempos, e o valor patrimonial, cultural e etnográfico que se xerou ao redor da explotación dos recursos mariños na zona. Abre todos os días de xullo e agosto,o resto do ano, só abrirá os fins de semana.De 11.00 h a 14.00 h e de 16.00 h a 20.00 h . De todas maneiras este é o teléfono por se queredes chamar antes de ir, non vai ser que este pechado no inverno.
Plaza de América, s/n 15155 – Fisterra
Teléfono: 981740707
.
Mimadriña! 